വെളുത്ത നോട്ടു പുസ്തകത്തില്‍
വടിവൊത്ത അക്ഷരത്തില്‍
ജീവിക്കണം
ഇല്ലെങ്കില്‍
പാസ് മാര്‍ക്കില്ലെന്ന്
മാഷന്‍മാര്‍
തരം തരം
ചെവിവട്ടം
എന്നിട്ടും
നെറികേട്
നല്ല കുപ്പായമിട്ട്
മുന്നില്‍ പെട്ടാല്‍
തൊണ്ടക്കുഴിയില്‍
രാസപ്രവര്‍ത്തനം
ഒച്ച പൊന്തുന്നു മാഷേ
അക്ഷരം തെറ്റി
മാര്‍ജിന്‍ കടക്കുന്നു
നിലം പറ്റുന്ന
നിസ്സഹായ ജീവികള്‍
നിലവിളിക്കുമ്പോള്‍
പേമാരി പൊട്ടുന്നു
ശ്രദ്ധ പാളുന്നു മാഷേ
പുസ്തകം നനയുന്നു
ലാഭമെന്നെഴുതുമ്പോള്‍
നഷ്ടപ്പെട്ടവരെയോര്‍ത്ത്
ഉള്ളു കരയുന്നു
മേല്‍ വിറക്കുന്നു മാഷേ
മഷി പടരുന്നു
ഓണസമൃദ്ധി
ഒരുപുറത്തില്‍
ഉപന്യസിക്കുമ്പോള്‍
ചോറുകാണാതെ
പേപിടിച്ചവര്‍ പ്രാകുന്നു മാഷേ
നെഞ്ചുകത്തുന്നു
താളു കരിയുന്നു
മാഷേ
ഞാന്‍ തോല്‍ക്കുമോ
കവിതയെഴുത്തില്‍ ഈ മാഷ് തോല്‍ക്കുമെന്ന് തോന്നുന്നില്ല. നന്നായി എഴുതി.
ReplyDeleteനന്നായിട്ടുണ്ട് മാഷേ...
ReplyDeleteകവിത നന്നായി. വാരാദ്യ മാധ്യമത്തില്‍ സി.പി സുരേന്ദ്രനെ പറ്റി എഴുതിയത് വായിച്ചു. അതും നന്നായ്.അഭിനന്ദനങ്ങള്‍..
ReplyDeleteManoraj,moideen angadimugar,മുല്ല
ReplyDeletethanks a lot